Khmer Dictionary: ល
Chuon Nath's Khmer-Khmer Dictionary
-
លម្ហាច
( ន.នាមសព្ទ )
or លំហាច
ទីវាលដែលមានទឹកល្ហាចវាលមានទឹកប៉ាចល្ហាច : លម្ហាចទឹក, ទឹកជន់ចូលវាលបែកលំហាច ។ បឹងរាក់ដែលក្នុងរដូវភ្លៀងមានទឹកល្ហាច : បឹងលំហាច ។ សរ. ជា រម្ហាច ឬ រំហាច ក៏មាន ។
-
លម្ហើយ
( កិ.កិរិយាសព្ទ )
or លំហើយ
ធ្វើឲ្យល្ហើយ, ហាលខ្យល់ឲ្យល្ហើយ : ឈរលម្ហើយខ្លួន ។ ព. ប្រ. ឈប់អំពីកិច្ចការសម្រាកខ្លួនមានកំណត់កាលវេលា : ឈប់លម្ហើយខ្លួន ។ ន. រដូវដែលធ្លាក់ខ្យល់ពីទិសឧត្តរបក់មក : រដូវលំហើយ, លំហើយ (សរទរដូវ) ។ សរ. ជា រម្ហើយ ឬ រំហើយ ក៏មាន ។
-
លម្ហែ
( កិ.កិរិយាសព្ទ )
or លំហែ
ធ្វើឲ្យល្ហែ, ឲ្យទំនេរមានកាលកំណត់ : លម្ហែខ្លួន, ឈប់លំហែ ។ សរ. ជា រម្ហែ ឬ រំហែ ក៏មាន ។
-
លម្អ
( ន.នាមសព្ទ )
or លំអ
សេចក្ដីល្អ, ភាវៈល្អ គឺបែបភាព, បែបបទ, លំនាំ, សណ្ឋាន, ទ្រង់, កិរិយា... ដែលល្អ : លម្អរូប; ខន្តីជាលំអរបស់អ្នកប្រាជ្ញ ។
-
លម្អក់
( កិ.កិរិយាសព្ទ )
or លំអក់
ធ្វើឲ្យល្អក់ : លម្អក់ទឹក, លំអក់ចិត្ត ។
-
លម្អក់ព័ណ៌
( កិ.កិរិយាសព្ទ )
[--ព័រ]
or លំអក់ព័ណ៌
ធ្វើពណ៌ឲ្យល្អក់ គឺសម្តែងអាការកិរិយាពុំសមគួរនៅមុខអ្នកដទៃ : គួរបើដែរ, វាមកលម្អក់ព័ណ៌នៅកណ្ដាលប្រជុំជន !; និយាយលំអក់ព័ណ៌ក្នុងកណ្ដាលជំនុំ ។
-
លម្អង
( ន.នាមសព្ទ )
or លំអង
ផង់ល្អិត, ធូលីល្អិតផង់ : លម្អងផ្កា, លំអងធូលី, លំអងឃ្មុំ ។
-
លម្អន់
( ប.បរិវារសព្ទ )
or លំអន់
ពាក្យសម្រាប់និយាយផ្សំនឹងពាក្យ លម្អិត ឬ លំអិត កិ. ថា : លម្អិតលម្អន់ ធ្វើឲ្យល្អិតល្អន់គឺធ្វើឲ្យល្អិតប៉ន់, ឲ្យល្អិតខ្ទេចខ្ទី ។ ព. ប្រ. ធ្វើឲ្យខ្ទេចខ្ទី; ឲ្យវិនាសអន្តរាយមិនឲ្យលូតលាស់ចម្រើនតទៅទៀត ។
-
លម្អាន
( ន.នាមសព្ទ )
លំនាំ, ទំនង, គន្លង, គំរូ, ទំនៀម, ស្នាម ឧ. ប្រជាជនខ្មែររៀបអាពាហ៍ពិពាហ៍តាមលម្អានប្រពៃណីពីបុរាណ ។
-
លម្អិត
( កិ.កិរិយាសព្ទ )
or លំអិត
ធ្វើឲ្យល្អិត : លម្អិតឲ្យខ្ទេច ។ ព. ប្រ. ធ្វើឲ្យវិនាស, ឲ្យអស់អំណាច; ឲ្យផុតពូជ : លំអិតស្រុក; លំអិតឲ្យអស់កុំឲ្យសល់មួយ (ប្រើជា លំឥត ក៏បាន) ។
<< Prev 1 ... 5 6 7 8 9 10 11 ... 20 Next >>