Khmer Dictionary: ល

Chuon Nath's Khmer-Khmer Dictionary

ល
ព្យញ្ជនៈទី ២៨ តាមលំដាប់ពួកព្យញ្ជនៈទាំង៣៣តួ, ជាព្យញ្ជនៈទី៣ក្នុងសេសវគ្គឬអវគ្គ, ជាទន្តជៈ មានសំឡេងកើតត្រង់ប្រទល់ធ្មេញ ។ សម្រាប់ភាសាខ្មែរមានសំឡេង ២ យ៉ាងគឺ ល និង ល៉, ល ជាឃោសៈ, ល៉ ជាអឃោសៈ; សំ. បា. អ. ថ. លៈ ឬ ល៉ៈ ។
ល ( កិ.កិរិយាសព្ទ )
ល្បង, លង : លឲ្យដឹង; កុំអាល ចាំលមើលសិន ! ។ ជន្លល្បងមើល : លកាប់ ។
- លលើកាប់ក្រោម កិ. វិ. ឬ គុ. (ព. ប្រ.) ដែលនិយាយលូកលរាវរកផ្លូវ រកទំនង ហាក់ដូចគេលើកគ្រឿងសស្រ្តាជន្លខាងលើឲ្យភ័ន្តហើយលូកកាប់ខាងក្រោម : និយាយលលើកាប់ក្រោម; សម្ដី-- ។
- លលេង ល្បងលេង, ជន្លលេង : និយាយលលេង; សម្ដី-- ។
- លលែងៗ លហើយលែងៗហើយលរឿយៗ ។ល។ ព. ទ. បុ. យកកទៅលអន្ទាក់ ហុចទំនងឲ្យជាប់កុនជាប់ដំណើរ... ។
លក ( កិ.កិរិយាសព្ទ )
ជីក, ចូក, ចូរ, ដាប់ ឲ្យមានជាប្រឡាយជាចង្អូរ, ជាគន្លង, ជាហែប, ជាអណ្តាត : លកប្រឡាយ, លកសាច់ឈើ ។
- លកញីឈ្មោល លកសាច់ឈើឲ្យមានជាអណ្តាតផ្ទុយគ្នាសម្រាប់ផ្គុំឬបិទឲ្យជិតមិនឲ្យមានប្រហោង : លកក្តារញីឈ្មោល ។
លក ( ន.នាមសព្ទ )
ឈ្មោះឫស្សីមួយប្រភេទ : ឫស្សីលក ។
លក់ ( កិ.កិរិយាសព្ទ )
ចំណាយទំនិញ, ឲ្យរបស់ទៅអ្នកទិញដោយយកថ្លៃ : លក់ទំនិញ ។ ពិន័យតាមច្បាប់បញ្ញត្ត : ត្រូវគយលក់ ៣០ រៀល ។
- លក់ខ្លួន ចំណាយខ្លួន ឲ្យជាអ្នកនៅបម្រើគេ ។
- លក់ជឿ លក់ពុំទាន់យកថ្លៃដល់ដៃភ្លាមនៅឡើយដោយជឿថាអ្នកទិញនឹងចេញតម្លៃឲ្យពុំខាន ។
- លក់ដូរ លក់ខ្លះដូរខ្លះ គឺលក់របស់រប៉ិចរប៉ីរាយរង ។
- លក់ដុំ លក់ទាំងដុំៗ ទីទៃពីលក់រាយ ។
- លក់រាយ លក់រាយៗ តាមតែគេទិញអ្វីៗប៉ុន្មានៗក៏ដោយ ទីទៃពីលក់ដុំ ។
- លក់ព្នៃ ពិន័យលក់ទ្វេគុណ(ក្លាយមកពីពាក្យថា លក់ពិន័យ ឬ ពិន័យលក់; ម. ព.មើលពាក្យ ( ចូរមើលពាក្យ . . . ) ព្នៃ និង ពិន័យ ទៀតផង)។ ពាក្យ លក់ នេះបើរបស់ដែលទាក់ទងខាងព្រះពុទ្ធសាសនា ត្រូវថា ជាវ, អ្នកលក់និងអ្នកទិញត្រូវថា ជាវ ដូចគ្នា : ជាវគម្ពីរ, ជាវបាត្រ, ជាវត្រៃចីវរ, ជាវសៀវភៅធម៌ ។ល។ បើបព្វជិតនិងអ្នកលក់ត្រូវថា ពិចារណា ដូចជាថា : លោកគ្រូឲ្យគេពិចារណាតែបាត្រមួយទេ ឬឲ្យគេពិចារណាគ្រឿងបរិក្ខារអ្វីទៀតដែរ ?..។ល។
លក់ ( កិ.កិរិយាសព្ទ )
ដេកស៊ប់ស្ងាត់អារម្មណ៍មិនដឹងខ្លួន : លក់មួយល្បក់ ។
- លក់លង់ លក់ជ្រុលដំណេក ។
- លក់លន់ ឬ - លន់លក់ លក់ហួសប្រមាណ, លក់ជ្រៅមិនងាយភ្ញាក់ (ព. កា.ពាក្យកាព្យ គឺពាក្យសម្រាប់ប្រើក្នុងកាព្យ) : លក់លន់លង់ជ្រៅ ទោះខ្លួនដេកនៅ ក្នុងគ្រឹហាឋាន មានចោរកំណាច អាចគាស់ទ្វារបាន លួចទ្រព្យហើយច្រាន ទ្វារបិទដូចដើម ។
- លក់ស្វា លក់ពភ្លឹមពភ្លែត គឺស្ទើរលក់ស្ទើរភ្ញាក់ (បាលីហៅ កបិមិទ្ធ “លក់ស្វា”, ការយល់សប្នឃើញអ្វីៗ ទោះពិតក្តីមិនពិតក្តី ឃើញត្រង់ស្របក់នេះឯង ពុំមែនពេញជាលក់ពុំមែនពេញជាភ្ញាក់គឺត្រង់ចន្លោះលក់និងភ្ញាក់; ព. វិ. ពុ.) ។ ព. ប្រ.
- ដេកលក់ ឬ - លក់ជានិច្ច ត្រាំគំនិតនៅក្នុងដំណើរមិនយល់ការខុសត្រូវឬប្រហែសធ្វេសជានិច្ច ។
លក្ខ ( ន.នាមសព្ទ ) [ល័ក-ខៈ ] or លក្ស ( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
កំណត់; ទីសម្គាល់, គ្រឿងចំណាំ; ចន្លោង; គ្រឿងកំណត់រាប់, ខ្នាត, ទីវ; បុណ្យ, បុណ្យភ័ព្វ, សំណាង ។ សំខ្យា . ចំនួនសែន, មួយសែន (១០០,០០០) ។ លក្ខមូល តម្លៃមួយសែន (ហៅ អនេកត្ថសំខ្យា ប្រើជា ន.) ។
លក្ខខណ្ឌ ( ន.នាមសព្ទ ) [លាក់ខាន់ ] or ល័ក្ខខ័ណ្ឌ ( បា.បាលី ( បាលីភាសា ) )
(លក្ខ + ខណ្ឌ) កម្រិត; សង្កាត់, ប៉ែកដោយឡែក; កំណត់គោល; ព្រំ : ទីមានល័ក្ខខ័ណ្ឌ, សម្ដីមានល័ក្ខខ័ណ្ឌ, ត្រូវធ្វើលក្ខខណ្ឌឲ្យទៀងទាត់ ។
លក្ខណ ( ន.នាមសព្ទ ) [ល័ក-ខៈ ណៈ ] or លក្ខណៈ ( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
(លក្ខណ; លក្សណ) គ្រឿងសម្គាល់, គ្រឿងចំណាំ; គ្រឿងសង្កេតនាខ្លួនប្រាណ ចង្អុលឲ្យឃើញច្បាស់ថាមានភ័ព្វឬឥតភ័ព្វ; គុណសម្បត្តិ : លក្ខណៈមានបុណ្យ, --ឥតបុណ្យ; ហោរទាយលក្ខណៈ ។
- លក្ខណញ្ញូ,
- លក្ខណវិទូ ឬ - លក្ខណវិទ អ្នកស្គាល់លក្ខណៈ; ហោរ ។
- លក្ខណប្បញ្ញត្តិ បញ្ញត្តិតាមលក្ខណៈច្បាប់ ។
- លក្ខណមន្ត ឬ
- --វិជ្ជា មន្តឬចំណេះសម្រាប់ទាយលក្ខណៈខ្លួនប្រាណ ។
- លក្ខណហេតុ ឬ
- លក្ខណការណ៍ ហេតុឬការណ៍ ដែលប្រកបដោយលក្ខណៈ, ដែលត្រូវលក្ខណៈ ។
- លក្ខណវិបត្តិ វិបត្តិលក្ខណៈ, ការខូចលក្ខណៈ, ទាស់លក្ខណៈ ។
- លក្ខណសម្បត្តិ ការគ្រប់ព្រមដោយលក្ខណៈ ។
- លក្ខណាការ អាការនៃលក្ខណៈ ។ល។
លក្ខណវិនយប្បញ្ញត្តិ ( ន.នាមសព្ទ ) ( បា.បាលី ( បាលីភាសា ) )
ការបញ្ញត្តិវិន័យ, បែបបទនៃការបញ្ញត្តិរបស់វិន័យ

1 2 3 4 5 6 ... 20 Next >>

Headley's Khmer-English Dictionary

ល [lɔɔ] - detail »
The 28th letter of the Cambodian alphabet
ល ( v ) [lɔɔ] - detail »
to try, sample; try on; to test, measure, probe, experiment.
ល ( initverb ) [lɔɔ] - detail »
to attempt / try to
ល ( v ) [lɔɔ] - detail »
to feign, pretend; to tempt
លក ( v ) [lɔɔk] - detail »
to dig a canal / ditch / trench, hollow out something, groove / tongue / farrow (a board); to slot
លក [lɔɔk] - detail »
លក ( v ) [lɔɔk] - detail »
to consider carefully

Reference: លកលៃ
លក់ ( v ) [lʊək] - detail »
to sell
លក់ ( v ) [lʊək] - detail »
to fine
លក់ [lʊək] - detail »

Next >>