Khmer Dictionary: ស្ងប់

Chuon Nath's Khmer-Khmer Dictionary
  1. ស្ងប់ ( កិ.កិរិយាសព្ទ )
    រម្ងាប់; ស្ងៀម; ឥត​កម្រើក, មិន​រំជួល, មិន​ជ្រួល​ច្រាល់; ឈប់, លើក​លែង :
    - ខ្យល់​ស្ងប់ ឬ
    - ស្ងប់​ខ្យល់ ឥត​មាន​ខ្យល់​បក់ ។
    - ចិត្ត​ស្ងប់ ឬ - ស្ងប់​ចិត្ត ចិត្ត​រម្ងាប់​ចាក​សេចក្ដី​ជ្រួល​ច្រាល់, ចិត្ត​នឹង​ធឹង ។
    - ស្ងប់​រម្ងាប់ ស្ងៀម​ស្ងប់ : ចិត្ត​ស្ងប់​រម្ងាប់ ។
    - ស្ងប់​សង្រ្គាម ឬ - ស្ងប់​សឹក ឈប់​ច្បាំង, លើក​លែង​ច្បាំង ។
    - ស្ងប់​ស្ងាត់ ស្ងាត់​មិន​មាន​សូរ​សព្ទ; ស្ងាត់​បាត់ ។
    - ស្ងប់ស្ងួត ឬ - ស្ងួតស្ងប់ សញ្ជប់សញ្ជឹង, ទ្រមឹងទ្រមើល, ក្រៀមក្រំ ។
    - ស្ងប់ស្ងៀម ឬ - ស្ងៀមស្ងប់ ស្រគត់ស្រគំ, នឹងធឹង, រៀប​រយ, មិន​សូវ​ស្ដី​និយាយ ។
    - សមុទ្រ​ស្ងប់ សមុទ្រ​ឥត​រលក ។
    - ស្រុក​ស្ងប់ ស្រុក​សុខ​សប្បាយ, ប្រកប​ដោយ​សន្តិសុខ ។ល។
Headley's Khmer-English Dictionary
  1. ស្ងប់ ( adj ) [sŋɑp]
    to be quiet, silent, calm, motionless, tranquil.
  2. ស្ងប់ ( v ) [sŋɑp]
    to abate, die down, fade away, subside, cease (e.g. of fighting); to calm down (e.g. of the wind); to appease