Khmer Dictionary: ភូ

Chuon Nath's Khmer-Khmer Dictionary

ភូ ( ន.នាមសព្ទ )
សំណុំសក់, រោម, សរសៃអ្វីៗ សម្រាប់ប្រើចងជារំយោល ។ (សំ. បា.) ផែនដី, លោក, ពិភពលោក ។ (បា. ភូ; សំ. ភ្រូ) ចិញ្ចើម ។
ភូគោល ( ន.នាមសព្ទ ) ( បា.បាលី ( បាលីភាសា ) )
(ភូ + គោល) គោលនៃផែនដី, ដុំមូលជាតំណាងពិភពលោក, ដុំមូលជាតំណាងផែនដីទាំងមូលដែលមានគូរផែនទីពិភពលោកពាសភ្ជាប់ជាមួយផង, រូបសណ្ឋានលោក (បារ. Globe terrestre) ។ ម. ព.មើលពាក្យ ( ចូរមើលពាក្យ . . . ) ភូ និង គោល ផង ។
ភូឈួយ ( ន.នាមសព្ទ ) ( ស.សៀម ( ភាសាសៀម ) )
មន្ត្រីដែលមានមុខងារជាអ្នកទទួលបន្ទុក ធ្វើកិច្ចការរាជការបន្ទាប់ពីមន្ត្រីជាអធិបតី : ភូឈួយសេនាបតី, ភូឈួយរដ្ឋមន្ត្រី, ភូឈួយខេត្ត ។ សម័យបុរាណ ប្រើពាក្យថា ជំទប់, លុះចំណេរតមក ប្រើពាក្យ ភូឈួយ នេះ, សម័យបច្ចុប្បន្ន ប្រើពាក្យ រង វិញ : អភិបាលខែត្ររង, អភិបាលស្រុករង...។ សម្រាប់គណៈរដ្ឋមន្ត្រីប្រើជា អនុរដ្ឋលេខាធិការ ។
ភូត ( ន.នាមសព្ទ ) ( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
អ្វីដែលកើតមានហើយ; ទេវតា; សត្វលោក; ខ្មោចបិសាច; បញ្ចក្ខន្ធ; ធាតុទាំងបួន; សេចក្ដីពិត ។ល។ : អាគមចងភូត ឬ--ចាប់ភូត អាគមចង ឬចាប់ខ្មោចបិសាច ។
- ពួកភូត ពួកទេវតា, ពួកសត្វលោក ឬពួកខ្មោចបិសាច ។
ភូត ( កិ.កិរិយាសព្ទ )
ពោលពាក្យមិនពិត, និយាយកុហក ។ គុ. ដែលមិនពិត : ពាក្យភូត ។
- ភូតភរ ឬ - ភរភូត (ម. ព.មើលពាក្យ ( ចូរមើលពាក្យ . . . ) ភរ) ។
ភូតកាល ( ន.នាមសព្ទ ) [ភូតៈ-- ] ( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
កាលដែលមានរួចទៅហើយ គឺកាល ឬវេលាដែលកន្លងហួសទៅហើយ (អតីតកាល) ។ កាល ឬវេលាដែលគួរធ្វើកិច្ចការមានសួរបញ្ជាក់សេចក្ដីជាដើម ក្នុងទីចំពោះមុខ (កាលពិត) គឺពេលដែលត្រូវសួរត្រូវឆ្លើយចំពោះមុខតាមការណ៍ពិត (វេវ. សច្ចកាល) : ពេលនេះជាសច្ចកាល ជាភូតកាលរបស់អ្នក, អ្នកត្រូវនិយាយតាមការណ៍ពិតកុំលាក់ឡើយ ។
ភូតគាម ( ន.នាមសព្ទ ) [ភូតៈ-- ] or ភូតគ្រាម ( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
ពួកតិណជាតិ, លតាជាតិ, រុក្ខជាតិ ដែលកើតហើយ គឺសារពើស្មៅ, វល្លិ, ឈើដែលដុះហើយ ។
ភូតពេទ្យ ( ន.នាមសព្ទ ) [ភូតៈពែត] or ភូតវេទ្យ ( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
(--វៃទ្យ; --វេជ្ជ) ពេទ្យចាប់ខ្មោច ឬដេញខ្មោចបិសាច ដែលមកយាយី ។
ភូតរូប ( ន.នាមសព្ទ ) [ភូតៈ--] ( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
រូបដែលកើតមានតាមធម្មតា គឺធាតុទាំង ៤ (ដី, ទឹក, ភ្លើង, ខ្យល់); ហៅថា មហាភូតរូប ក៏បាន ។
ភូធន ( ន.នាមសព្ទ ) [--ធន់ ] ( សំ.សំស្រ្កឹត ( ភាសាសំស្រ្កឹត ), បា.បាលី ( បាលីភាសា ) )
អ្នកដែលមានផែនដីជាទ្រព្យឬមានទ្រព្យពេញទាំងផែនដី (ព្រះរាជា) : ព្រះភូធន (ព. កា.ពាក្យកាព្យ គឺពាក្យសម្រាប់ប្រើក្នុងកាព្យ) : ព្រះបាទសម្ដេចព្រះភូធន ស្ដេចទ្រង់និពន្ធកាព្យនានា ទូន្មានប្រដៅរាស្ត្រប្រជា គឺអង្គក្សត្រាព្រះហរិរក្ស ។

1 2 3 Next >>

Headley's Khmer-English Dictionary

ភូ ( n ) [pʰuu] - detail »
plait, tress, braid (of hair)
ភូ ( n ) [pʰuu] - detail »
eyebrow; crest, tuft; tassel
ភូ ( n ) [pʰuu] - detail »
earth, globe; land
ភូ ( n ) [pʰuu] - detail »
horse-cloth, saddle-cloth
ភូ ( n ) [pʰuu] - detail »
assistant, deputy

Reference: ភូឈួយ
ភូ ( n ) [pʰuu] - detail »
kind of bird similar to the toucan

Reference: ភូវាំង
ភូគោល ( n ) [pʰuukool] - detail »
globe, the earth
ភូត ( v ) [pʰuut, pʰuutaʔ] - detail »
to lie.
ភូត ( adj ) [pʰuut, pʰuutaʔ] - detail »
to be false, untrue
ភូត ( n ) [pʰuut, pʰuutaʔ] - detail »
something born or created ; nature; (natural or supernatural) creature / being; the four natural elements ( ដី `earth,' ទឹក `water,' ភ្លើង `fire,' ខ្យល់ `air')

Next >>