១. ពេលយប់ក៏ព្រួយពេលថ្ងៃក៏ព្រួយ
បងរលឹកនឹកតែអូនមួយ
រលួយចិន្ដាទៅហើយ
អូននៅម្នាក់ឯង ម្នាក់ឯងគ្មានបងឆ្លងឆ្លើយ
តើអផ្សុកយ៉ាងណាអូនអើយ
អូនអើយបងអាណិតណាស់។

២. បងជឿជាក់ហើយថាអូនភក្ដី
តែចិត្តបងចេះតែលួចភ័យ
ខ្លាចស្រីថ្ងៃក្រោយភ្លេចបង
បងយល់អញ្ចឹងកុំខឹង កុំខឹងណាកែវនួនល្អង
ព្រោះស្រឡាញ់ពេកទេស្នេហ៍ស្នង
ទើបជឿផងភ័យផងណាអូន។

៣. ស្ដាយមិនបានរស់ជាមួយគ្នា
ជួបមួយគ្រាៗរួចលាព្រាត់គ្នាទីទៃ
បងដូចសុរិយា អូនដូច..ផែនដី
ជួបគ្នាតែពេលថ្ងៃរាត្រីមកដល់បែកគ្នា។

៤. បងព្រួយខ្លាចអូនឈឺថ្កាត់ពេលយប់
បងព្រួយមែនស្បថម្រាមដៃដប់
យល់សប្ដិឃើញតែអូនទេ
ឮផ្គរគ្រហឹមគ្រឹមៗ គ្រឹមៗបងភ័យណាស់ស្នេហ៍
នឹកអូនភ្លាមគ្មានបងនៅក្បែរ
តើមាសមេរងាយ៉ាងណា?។