Khmer Dictionary: ស្កាត់

Chuon Nath's Khmer-Khmer Dictionary Full Text Search

ក្លាត់ ( កិ.កិរិយាសព្ទ )
ស្ទាក់, ស្កាត់ដណ្ដើមរបស់ដែលចោរលួច មកវិញ ឬ ស្ទាក់, ស្កាត់រកគោក្របី : ក្លាត់ចោរ ជាដើម ។
កាត់ ( កិ.កិរិយាសព្ទ )
(ព.ប្រ.) ដើរតម្រង់; សំដៅឆ្ពោះ (ហាក់ដូចគេកាត់ផ្តាច់ចំកណ្ដាលអ្វីៗ) : កាត់ភូមិកាត់ស្រុក, កាត់ភក់កាត់ជ្រាំ, កាត់ពីនាយធ្លាក់អាយ ។ ឆ្លើយកាត់ ឆ្លើយស្កាត់ពាក្យសម្ដីដែលគេសួរ ឬ គេនិយាយមិនទាន់ចប់ ។ និយាយកាត់គេ និយាយស្ទាក់ពាក្យគេ, និយាយស្កាត់ សម្ដីរបស់គេក្នុងពេលដែលគេកំពុងនិយាយ ។ និយាយកាត់ៗ និយាយសង្ខេបទ្រួសៗ ដោយលើកឡាត់ចោលខ្លះ ។ ផ្លូវកាត់ ផ្លូវមិនវាង, ផ្លូវខ្លីដើរឆាប់ដល់ ។ល។
បណ្ដាក់ ( កិ.កិរិយាសព្ទ )
ទិញឬដូរដោយដាក់ដើមទុនមុន គឺដាក់ប្រាក់ឬទំនិញអ្វីមួយជឿឲ្យទៅអ្នកដែលទ័លក្រត្រូវការយកថ្លៃមុនហើយនឹងយករបស់ដែលត្រូវទិញដូរនោះជាខាងក្រោយ ក្នុងកំណត់រដូវរបរ មានស្រូវនិងគ្រាប់ពោតជាដើម ដើម្បីឲ្យមានចំណេញជាងទិញដូរដល់ដៃ : បណ្ដាក់ស្រូវ, បណ្ដាក់គ្រាប់ពោត, បណ្ដាក់ស្ករ។ ដាក់រាយគ្នាឲ្យនៅបន្តហែៗបណ្ដោយតាមដងផ្លូវឬទីផ្សេងៗ : កងទ័ពបណ្ដាក់គ្នាតាមដងព្រៃ ដើម្បីចាំស្កាត់ប្រយុទ្ធនឹងពួកខ្មាំង; តាមរឿងព្រេងខ្មែរថា ទន្សាយចាញ់ប្រាជ្ញាខ្យង ក្នុងរឿងភ្នាល់រត់ប្រណាំងគ្នា ព្រោះខ្យងបណ្ដាក់គ្នាហែតាមមាត់បឹង ឲ្យឆ្លើយកូ៎កៗ នៅខាងមុខជាដរាបគ្រប់តែខណៈដែលទម្សាយស្រែកហៅ ។ ពាក្យដែលគេតែងនិយាយថា :
- បណ្ដាក់គ្នារដឹកដូចខ្យង គឺជាប់ទាក់ទងមកពីរឿងនោះឯង ។ កិ. វិ. ដែលសន្មតកំណត់ផ្លាស់ប្ដូរវេនគ្នា គឺម្នាក់ចេញទៅម្នាក់ចូលមកដល់, ម្នាក់ចុះទៅម្នាក់ឡើងមកដល់, ម្នាក់ដេកម្នាក់ភ្ញាក់ឡើង, ម្នាក់ទៅ ម្នាក់នៅចាំ ជាបន្តបន្ទាប់គ្នាយ៉ាងនេះជាដើម ក៏ហៅថា បណ្ដាក់ ដែរ : ដេកបណ្ដាក់គ្នា, រត់បណ្ដាក់គ្នា, ថ្ងៃនេះ ផ្ទះខ្ញុំមានភ្ញៀវច្រើន ម្នាក់ចេញម្នាក់ចូលដូចគេបណ្ដាក់គ្នា ។
ផ្ចុច ( កិ.កិរិយាសព្ទ, កិ. វិ.កិរិយាវិសេសនៈ ឬ កិរិយាវិសេសន៏ )
សូរដូចគេចាប់ច្បុច, ចុចសួរស្កាត់មិនឲ្យគេចកែរួច : ផ្ចុចសួរ; សួរផ្ចុច ។
ពាន ( កិ.កិរិយាសព្ទ )
ពារលើ, ឡើងពារលើ, ឡើងពាររំលងលើ : ពានរបង, ពានវាំង ។ ឡើងពាក់ទ្រាបពីលើ : គោពានគ្នា (ព. ព.)។
- ព្រានត្រោកពានត្រាំង ឬ - ពានត្រោកព្រានព្រៃ (ព. ប្រ.) បំពាក់បំពានទាំងស្រុងទាំងកំរោលឥតគិតពីខុសពីត្រូវ (ហាក់ដូចជាដើរពានលើត្រោកឬព្រៃ) ។
- ពានលើគ្រោះកាច ប្រទះលើគ្រោះកាច ។
- ពានស្កុន ពានលើដំណើរស្កុនការ; មានពាក្យកាព្យបុរាណ្យថា : កុំនៅញ៉ាំងឈ្លោះ កុំស្ដាប់អសុរោះ កុំស្ដាប់អាស្រូវ កុំដើរពានស្កុន កុំស្កាត់ច្រកផ្លូវ កុំធ្វើស្រែស្រូវ នៅផ្លូវដំរី ។ (សាស្រ្តាច្បាប់ រាជនេតិ ជាព្រះនិពន្ធនៃព្រះរាជសម្ភារ) ។
ព្រហាវន ( ន.នាមសព្ទ ) [ព្រៈហាវាន់ ]
(ព្រហា “ធំ, ស្ដុក, ចម្រើន, មាំមួន...” + វន “ព្រៃ” > ព្រហាវន; វ្ឫហត៑ + វន > វ្ឫហទ្វន) ព្រៃធំ, ព្រៃស្ដុក, ដងព្រៃធំ, (ព. កា.ពាក្យកាព្យ គឺពាក្យសម្រាប់ប្រើក្នុងកាព្យ) : ប្រើសមាសបោលចូលព្រហាវ័ន បាំងខ្លួនបំភាន់ព្រះនេត្រក្សត្រ ចួនកាលឲ្យឃើញចួនកាលបាត់ ពួកពលប្រឹង ស្កាត់រកប្រសាច ។ ហៅថា ព្រហារញ្ញ ឬ ព្រហារណ្យ ក៏បាន ។
ស្កាត់ ( កិ.កិរិយាសព្ទ )
ស្ទាក់ផ្លូវ, ស្ទាក់ដំណើរ : ស្កាត់ផ្លូវ, ស្កាត់ច្រក ។
- ស្កាត់ពាក្យ ឬ - ស្កាត់សម្ដី ស្ទាក់ពាក្យ, ស្ទាក់សម្ដី ។
- និយាយស្កាត់ និយាយស្ទាក់ផ្តាច់តំណសម្ដីមិនឲ្យមានតទៅទៀត ។ល។
ស្កុន ( កិ.កិរិយាសព្ទ )
ទើសទាក់, ទាស់ការ, ទាស់ដំណើរ, នាំឲ្យរអាក់រអួលឬឲ្យអាក់ខាន, ឲ្យខកខាន, ឲ្យថ្លោះការ, ឲ្យខូចការ : ស្កុនការ, ស្កុនគំនិត, ស្កុនដំណើរ ។ ន. ការទើសទាក់, ឧបសគ្គ : ប្រទះលើស្កុន ។ កុំដើរពានស្កុន កុំស្កាត់ច្រកផ្លូវ កុំធ្វើស្រែស្រូវ នៅផ្លូវដំរី (សាស្រ្តាច្បាប់រាជនេតិ) ។
ស្ទាក់ ( កិ.កិរិយាសព្ទ )
ស្កាត់ពីមុខ, ស្កាត់រាំងឬខាំងពីមុខ : ស្ទាក់គោ, ស្ទាក់ផ្លូវ, ស្ទាក់ដំណើរ ។
- ស្ទាក់សម្ដី ស្កាត់សម្ដី ។
ស្លាបកែវ ( ន.នាមសព្ទ )
ស្លាបធំជាងស្លាបឯទៀត ដុះនៅខាងចុងចំអេងស្លាបបក្សី ជាកម្លាំងឲ្យហើរបាន : ដកស្លាបកែវ មិនឲ្យហើររួច ។
- កាត់ស្លាបកែវ (ព. ប្រ.) និយាយស្កាត់ពាក្យ ស្កាត់ដំណើរគេ ។

Next >>

Headley's Khmer-English Dictionary Full Text Search

ស្កាត់ ( v ) [skat] - detail »
to intercept, head off, cut off; to waylay; to interrupt, intervene; to block, stop, bar; to suppress, discontinue
ស្កាត់ ( v ) [skat] - detail »
to set an appointment
ស្កាត់ ( v ) [skat] - detail »
to change the subject, stray off the beaten track

Headley's Khmer-English Dictionary Subentry Full Text Search

និយាយស្កាត់ [niʔyiey skat]
to interrupt
ស្កាត់ដំណើរ [skat dɑmnaə]
to interrupt a trip, block an action
ស្កាត់ផ្លូវ [skat pləv]
to ambush, lie in wait for
ស្កាត់ផ្លូវ [skat pləv]
to intercept (someone on his / her way), bar the way
ស្កាត់ពាក្យ [skat piek]
to add parenthetical information (esp. in writing)
ស្កាត់មុខ [skat muk]
to intercept, cut off, cut across in front of; across the path of