Khmer Dictionary: សាមី

Chuon Nath's Khmer-Khmer Dictionary

សាមី ( ន.នាមសព្ទ ) [--ម៉ី ] ( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
(ស្វាមិន៑) ម្ចាស់, ម្ចាស់របស់; ប្តី; ចៅហ្វាយ, នាយ ។
- សាមីការ ម្ចាស់ការ, អ្នកដើមការ ។
- សាមីខ្លួន ឬ - សាមីរូប ម្ចាស់ខ្លួន, ខ្លួនគេ ។
- សាមីជន ជនជាម្ចាស់របស់អ្វីមួយ; ជនដែលបាននូវមុខតំណែង, នូវយសសក្ដិជាដើម ដោយមានលិខិតជាសំអាង ។
- សាមីទាន ទានដែលជាម្ចាស់លើអស់ទ្រព្យ, ទានដ៏ឧត្តម ។
- សាមីបរិភោគ (បា. សាមិ--) ការបរិភោគចតុប្បច្ច័យ ដោយបានពិចារណាតាមលំអានបច្ចយសន្និស្សិតសីលឥតខ្វះចន្លោះ (ព. វិ. ពុ.) ។
- សាមីបុណ្យ ម្ចាស់បុណ្យ, អ្នកដើមបុណ្យ ។
- សាមីភ័ក្តិ ឬ - ស្វាមីភ័ក្តិ សេចក្ដីស្រឡាញ់ស្មោះត្រង់ចំពោះម្ចាស់, ចំពោះចៅហ្វាយនាយ ឬចំពោះប្តី ។
- សាមីភគិនី (បា. សាមិ--) បងស្ត្រីឬប្អូនស្ត្រី, ចំពោះចៅហ្វាយនាយ ឬចំពោះប្តី ។
- សាមីភគិនី (បា. សាមិ--) បងស្រីឬប្អូនស្រីរបស់ប្តី ។ល។
សាមី ( អា. និ.អាយតនិបាត ) [--ម៉ី ] ( បា.បាលី ( បាលីភាសា ) )
ឈ្មោះអាយតនិបាតពួកទី ៦ មានពាក្យប្រើថា នៃ, របស់, ផង ... ដូចជា ផ្ទះនៃខ្ញុំ, សេះរបស់ខ្ញុំ, គោផងប្អូនខ្ញុំ; ហៅ សាមីសម្ពន្ធ ក៏បាន (ព. វ.) ។
សាមីចិ ( គុ.គុនសព្ទ ) [--ម៉ី-ចិ ] ( បា.បាលី ( បាលីភាសា ) )
ដែលត្រឹមត្រូវ, ប្រពៃ, សមគួរ, គួរគាប់, មិនឆ្គង ។
- សាមីចិកម្ម កិច្ចការត្រឹមត្រូវ; ការគោរព, ការគប្បី ។
- សាមីចិបដិបត្តិ បដិបត្តិត្រឹមត្រូវ ។
- សាមីចិបដិបទា បដិបទាប្រពៃ ។
- សាមីចិបដិបន្ន អ្នកបដិបត្តិត្រឹមត្រូវ (បើស្ត្រីជា សាមីចិបដិបន្នា) ។
- សាមីចិវត្ត វត្តបដិបត្តិត្រឹមត្រូវ ។
- សាមីចិវាចា ឬ--វាទ សម្ដីត្រឹមត្រូវ, ពាក្យគោរព, ពាក្យគួរសម ។
- សាមីចិវាទី អ្នកដែលប្រើសម្ដីគួរសមជានិច្ច ។ ប្រើស្ត្រីជា សាមីចិវាទិនី ។
- សាមីចិសាសន៍ ឬ --សាសនា ពាក្យប្រៀនប្រដៅដែលគួរគោរព, ពាក្យប្រៀនប្រដៅត្រឹមត្រូវ ។ល។
សាមីសម្ពន្ធ [សាម៉ីសំព័ន ឬ--សំព័ន-ធៈ ]
ម. ព.មើលពាក្យ ( ចូរមើលពាក្យ . . . ) សាមី ២ អា. និ. ។
សាមីរូប ( ន.នាមសព្ទ ) ( បា.បាលី ( បាលីភាសា ) )
ម្ចាស់ខ្លួន, ខ្លួនរបស់ម្ចាស់ផ្ទាល់ ។

Headley's Khmer-English Dictionary

សាមី ( n ) [saaməy] - detail »
owner, master, proprietor; chief; husband; interested party, subject (of an investigation)
សាមី ( n ) [saaməy] - detail »
possessive particle
សាមីចិ ( adj ) [saaməyceʔ] - detail »
to be proper, well behaved; accurate, correct, right